Represent Communications Macedonia и Color Media Plus, во рамки на франшизата за годишното издание на престижниот британски магазин The Economist, ја организираат годишната конференција The Economist: The World Ahead MeetUp 2027, посветена на трендовите што ќе ги обликуваат бизнисот, технологијата и економијата во годината што следува.

Конференцијата носи свежи перспективи, релевантни информации и можност за размена на идеи меѓу лидери од бизнис-заедницата, извршни директори, носители на одлуки, претставници на дипломатскиот кор и владини институции. Како настан со високо ниво на содржина и публика, The Economist: World Ahead MeetUp 2027 претставува платформа за вмрежување, дијалог и навремено разбирање на промените што ќе влијаат врз стратегиите, конкурентноста и развојот на компаниите.