Додека глобалните дискусии за 2026 година често се губат во техничките спецификации на вештачката интелигенција, вториот панел на The Economist MeetUp – „Предизвици на пазарот на труд – талент, технологија, трансформација“ – ја врати дебатата онаму каде што и е местото: кај човекот.
Во срцето на дискусијата за недостигот на кадар и новите очекувања на вработените, Тони Јанковски, директор за развој и иновации на Diners Club Македонија, понуди освежувачки искрен и аналитички поглед. Неговата теза е јасна: технологијата е алатката, но луѓето се вредноста.
Од извршители до носители на вредности
Во ера каде сајбер безбедноста станува капитално интензивен предизвик, Јанковски истакна дека најсилниот „firewall“ на една компанија не е софтверот, туку вработениот.
„Со целата динамика на модерното време и масовната примена на вештачката интелигенција, парадоксално, но човечкиот фактор станува сè поклучен. Во Македонија, ние престануваме да гледаме на луѓето само како на извршители на процеси; тие се носители на вредности. Филозофијата е едноставна, но круцијална: Силните компании ги градат и развиваат луѓето, а потоа тие исти луѓе ја градат компанијата да биде силна. Тоа е нераскинлив синџир,“ истакна Јанковски.
Тој потенцираше дека во Diners фокусот е ставен на три столба: доверба, транспарентност и интегритет.
„Секој еден вработен е амбасадор на нашата сајбер безбедност. Едукацијата и свесноста за тоа како нивната работа влијае врз безбедноста на клиентот е императив, бидејќи внатрешната доверба директно се рефлектира како доверба на пазарот,“ додаде тој.
Крај на илузијата за „Plug and Play“ вработени
Можеби најхрабриот момент на панелот беше признанието на Јанковски за системската грешка што ја прават корпорациите во трката по таленти.
„Ние како компании често сме самите виновни за одливот на кадар. Зошто? Затоа што живееме во илузија дека новиот вработен е ‘plug and play’ уред – очекуваме да дојде комплетно спремен и веднаш да знае сè. Таа грешка ја правиме сите, но во Diners активно работиме да ја коригираме,“ призна Јанковски.
Решението на Diners Club е структурирано менторство. Јанковски го претстави нивниот модел на „90-дневен тест период“, кој не е проверка на знаењето, туку процес на интеграција. Преку менторство, вработениот прво ја учи „големата слика“, а дури потоа навлегува во деталите.
„Отворениот дијалог и достапноста на екстра обуки и експертиза создаваат стабилност. Кога вработениот чувствува дека се инвестира во него, тоа резултира со лојалност и долг стаж,“ заклучи тој.
2026: Година на проактивност и реобука
Гледајќи кон хоризонтот на 2026 година, Јанковски најави динамична година исполнета со нови дигитални продукти, но и агресивна стратегија за реобука (reskilling).
„Не чека динамична година. Планираме реобука на сите вработени, без разлика на нивниот стаж или искуство. Целта не е само техничка писменост, туку давање компетенции кои ќе придонесат кон преземање на поголема одговорност. Работиме на многу фронтови и потребни ни се проактивни луѓе кои нема само да го следат процесот, туку ќе го возат напред,“ поентираше Јанковски.
ПР објава – crnobelo.mk